MUFINDI YA KUSANYA MILIONI 61 KWA SIKU 15 VITAMBULISHO VYA RAIS JPM

Imeelezwa kuwa jumla ya shilingi Milioni 61,760,000.00 zimekusanywa Wilayani Mufindi kama mapato ya Serikali kupitia zoezi la utoaji vitambulisho vya Wajasiriamali Wilayani humo katika kipindi cha takribani siku 15 tangu kuanza kutolewa kwa vitambulisho hivyo mapema mwezi huu.

Mkuu wa Wilaya ya Mufindi Jamhuri William, akizungumza na hii leo january 24 kuhusu zoezi la utoaji wa vitambulisho

Takwimu hizo zimebainishwa na Mkuu wa Wilaya ya Mufindi Mhe. Jamhuri William, alipotoa tathimini ya awali juu ya mwenendo wa zoezi hilo.

Kiongozi huyo wa ngazi ya juu katika Wilaya ya Mufindi, amesema tangu kuasisiwa kwa zoezi la kuwatambua na kuwapatia vitambulisho vya ujasiriamali Wajasiriamali wa Wilaya hiyo. mpaka hii leo januari 24 -2019 jumla ya wajasiriamali 2773 wameatambuliwa na kupatiwa vitambulisho maalum vilivyotolewa na Mhe Rais Dkt. John Pombe Magufuli.

“Kiasi hiki cha fedha cha zaidi ya shilingi Milioni 61 kinatokana na makusanyo kutoka Halmashauri zote mbili ambapo, Halmashauri ya Wilaya ya Mufindi imekusanya jumla ya shilingi milioni 34,760,000,00 kutoka kwa Wajasiriamali 1738 huku Halmashauri ya Mji Mafinga ikikusanya shilingi Milioni 27,000,000.00 kutoka kwa Wajasiriamali 1035”

Aidha, Mhe. William, ametoa rai kwa Wajasiriamali waliopata vitambulisho waendelee kufanya biashara zao  kwa uhuru pasipo kusumbuliwa na mtu yeyote na kuwahimiza wale ambao bado wanaendelea kufanya biashara pasipokuwa na kitambulisho wahakikishe wanapata vitambulisho na kama kipato chao kinazidi Milioni 04 kwa mwaka ni lazima  wawe na  namba ya mlipa kodi kutoka TRA yaani TIN kwani kutokuwa na kimojawapo kati ya hivyo ni kosa na atakayebainika atazuiliwa kuendelea na biashara husika.

“Ndugu zangu bado hatujafika hata asilimia 50 na vitambulisho bado vipo stoo, Wilaya yetu ilipewa vitambulisho 10,000 ambapo 5000 kwa Mji wa Mafinga na 5000 Wilaya ya Mufindi hivyo, naziagiza Halmashauri kwamba itakapofika taraehe 15 mwezi wa pili vitambulisho vyote viwe vimekwisha, narudia tena, itakapofika tarehe 15 -02- 2019 vitambulisho vyote viwe mikononi mwa wajasiriamali.” Alitimisha Mkuu wa Wilaya

UFAULU ELIMU MSINGI WAZIDI KUPAA HALMASHAURI YA MUFINDI

Takwimu za ufaulu wa mitiahani ya kuhitimu Elimu ya Msingi kwa Shule za Halmashauri ya Wilaya ya Mufindi, zinaonesha kuendelea kupanda kwakipindi cha miaka minne mfululizo kati ya mwaka 2015 - 2018 huku Halmashhauri ikiendelea kushika nafasi za kuridhisha Katika ushindani wa Kitaifa.

Mkuu wa Wilaya ya Mufindi Jamhuri William, akihutubia katika kikao cha tathimini

Hayo yamebainishwa na Ofisa mwenye dhamana ya taaluma wa Halmashauri ya Wilaya ya Mufindi Bi. Mariamu Ngalla, wakati akiwasilisha taarifa ya tathimini ya Mtihani wa kuhitimu Elimu ya Msingi kwa mwaka 2018 katika kikao maalum cha kila mwaka ambacho hutathimini na kuweka mikakati ya kufanya vizuri zaidi kwa mitini inayofuata.

Akiwasilisha mbele ya Mgeni wa heshima Mkuu wa Wilaya ya Mufindi  Mhe. Jamhuri William, Maofisa Elimu kata Waalimu Wakuu na Waalimu wa taaluma, ametanabaisha kuwa ufaulu umeendelea kupanda kutoka mwaka moja baada ya mwingine.

“Mwaka 2015 ufaulu wetu ulikuwa asilimia 84.4, mwaka 2016 ufaulu asilimia 84.9 tukishika nafasi ya 22 kitaifa kati ya Halmashauri 185, mwaka 2017 asilimia 84.37 tukishika nafasi ya 32 kitaifa kati ya Halmshauri 186, wakati mapema mwaka jana 2018 ufaulu umepanda kufikia asilimia 86.73 ambapo katika ushindani wa kitaifa tumeshika nafasi ya 35 kati ya Halmashauri 186. alisema

Akifafanua zaidi mafanikio ya mtihani wa mwaka 2018 Bi Ngalla, ameendelea kubainisha kuwa kati ya Shule kumi (10) zilizofanya vizuri kimkoa Halmshauri ya Mufindi imeingiza shule mbili (02) ambazo ni Ifwagi na Brooke Bond, lakini pia imeingiza Shule tano (05) kati ya Shule kumi (10) bora za Serikali kwa ngazi ya Mkoa ambazo ni Shule ya Msingi Ifwagi, Mlimani, Nyanyembe, Kasanga na Makungu.

Akizungumza katika kikao hicho mgeni wa heshima Mkuu wa Wilaya ya Mufindi Mhe. Jamhuri Willia, ameitaka idara ya Elimu Msingi kuongeza juhudi na mbinu za ufundishaji ili mtihani wa mwaka huu   waweze kufanya vizuri kwa kufaulisha kwa Zaidi ya asilimia 90 na kusisitiza kuwa mazingira na rasilimali za Mufindi ni rafiki kwa Watoto kusoma na kufaulu.

Halmshauri ya Wilaya ya Mufindi yenye jumla ya shule 146 ilishiriki katika mtihani wa mwaka jana 2018, ikiwa na watahiniwa 6,570 kati yao wavulana ni 3,053 na Wasichana 3,517 sawa na asilimia 99.8 ya watainiwa waliofanya mtihani.

Mwenyekiti wa kamati ya kudumu ya huduma za jamii Mhe. Flavian Mpanda akimpongeza mmoja kati ya Wakuu wa Shule ambao Shule zao zimefanya vizuri

Add caption

Mkuu wa Idara ya  Elimu Msingi Mwal. Bukagile, akizungumza wakati wa kikao cha tathimini

Ofisa Elimu taaluma Bi. Mariamu Ngala, akiwasilisha taarifa ya tathimini ya mtokeo ya darasa la saba mwaka 2018

Sehemu ya wajumbe wa kikao  cha tathimini ambao ni Maofisa Elimu kata, Wakuu wa Shule na Walimu wa taaluma

Makamu Mwenyekiti wa Halmashauri Mhe. Mtono, akizungumza alimwakilisha Mwenyekiti wa Halmashauri katika tukio hilo

RC IRINGA APOKEA MAANDAMANO YA WAFANYAKAZI

Mkuu wa Mkoa Iringa Mhe. Ally Hapi amepokea maandamano ya Amani kutoka kwa Wafanyakazi Mkoani humo wakimpongeza Rais Dkt. John Magufuli Kuhusu kurudisha utaratibu wa Kikokoto cha zamani kwa Wafanyakazi wanaostaafu ikiwa ni siku ya Mapinduzi na Kusisitiza kwamba Rais amefanya Mapinduzi hivyo anastahili pongezi.

Akitoa hotuba yake hapo jana Mhe. Hapi amesema alichokifanya Mhe Rais Dkt. John Magufuli ni sehemu ya Mapinduzi kwa watanzania kwa hiyo wafanyakazi hii siku ni siku yetu Mapinduzi haya aliyoyafanya yanawagusa watanzania wote, ningeshangaa kama wanairinga tusingemshukuru Mhe. Rais.

Aidha wafanyakazi hao Wamemshukuru Mhe. Rais Dkt John Pombe Magufuli kwa kusikia kilio cha wastaafu na watumushi wa umma na kuridhia kikokotoo cha zamani kurudishwa.

Hata hivyo wameomba aendelee kusimamamia mabadiliko 2023 ya kikokotoo kipya ili yalete maslahi mazuri zaidi kwa wafanyakazi na hata ikiwezekana basi kivuke asilimia 50% iliyopo kwa manufaa ya wastaafu hao.

Maandamano hayo yemejumuisha wafanyakazi kutoka wilaya mbalimbali za mkoa wa Iringa ikiwemo wilaya ya Mufindi, Iringa na Kilolo huku wakishirikiana na Vyama mbalimbali vya wafanyakazi mkoani humo wakati huo Chama cha waalimu Wilayani Mufindi kikiwa na ujumbe wa "Mtumishi aliyestaafu ni Tunu ya Taifa Kustaafu sio dhambi ni Heshima"

HABARI PICHA

Maandamano ya Amani Yakiendelea

Mmoja wa Wastaafu akitoa Shuhuda jinsi anavyojisikia mara baada ya uamuzi wa Mhe Rais Kurudisha Kikokotoo

Mkuu wa Wilaya Mufindi Mhe. Jamhuri William kitoa salamu za Mufindi

Wafanyakazi mbalimbali wakisikiliza hotuba ya Mkuu wa Mkoa Iringa Mhe. Ally Hapi Katika Ofisi yake Mjini Iringa Mara baada ya kupokea maandamano hayo.

Picha ya pamoja(Picha zote na Amani Mbwaga)

WAZIRI MKUU AZIAGIZA KAMPUNI ZINAZOSAMBAZA NGUZO MKOANI IRINGA KULIPA USHURU KWA MUJIBU WA SHERIA

Kwa Hisani ya Mitandao

WAZIRI MKUU, Kassim Majaliwa, amesema kampuni zote zinazosambaza nguzo za umeme zinatakiwa zilipe ushuru wa Halmashauri wanakotoa nguzo hizo amboa ni asilimia tano ya gharama ya kila nguzo kama ilivyoelekezwa na Sheria ya Fedha za Serikali za Mitaa.

Waziri Mkuu Kassim Majaliwa, pichani

Wiki iliyopita akiwa katika ziara Mkoani Ruvuma, Waziri Mkuu alipokea malalamiko kuhusu Mkoa wa Iringa kuzuia kusambazwa kwa nguzo za umeme ndipo alipoamua kumuita Mkuu wa Mkoa wa Iringa Ally Hapi, wakuu wa Wilaya, Wakurugenzi pamoja na wenyeviti wa Halmashauri wanaotoka katika Wilaya zinazozalisha nguzo.

Ametoa agizo hilo (Jumatatu, Januari 7, 2019) baada ya kupata taarifa kuhusu kampuni ya New Forest ambayo inamkataba na TANESCO wa kusambaza nguzo za umeme, kwa muda mrefu kampuni hiyo imekuwa ikikaidi kulipa ushuru wa asilimia tano ya gharama ya kila nguzo. Ushuru huo umefikia sh. bilioni 2.9 hali iliyopelekea uongozi wa Mkoa kuzuia nguzo hizo zisitoke.

Viongozi wengine waliohudhuria kikao hicho ni Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Wenye ulemevu, Jenista Mhagama, Waziri wa Nishati, Dkt. Medard Kalemani, Naibu Waziri Ofisi ya Rais – TAMISEMI, Josephat Kandege, Naibu Waziri wa Fedha na Mipango Dkt. Ashatu Kijaji, Naibu Waziri Wizara ya Viwanda, Biashara na Uwekezaji, Mhandisi Stella Manyanya pamoja na maafisa wengine wa Serikali.

lengo la kikao hicho lilikuwa kupata ufafanuzuzi kuhusu malalamiko yaliyotolewa dhidi ya uongozi wa Mkoa wa Iringa kuhusu kuzuia usafirishaji wa nguzo za umeme zinazotumika kwenye miradi ya Kusambaza Nishati ya Umeme Vijiji (REA).

Baada ya kupata maelezo hayo, Waziri Mkuu amemuagiza mkuu wa Mkoa wa Iringa kuiandikia bili kampuni ya New Forest ili ilipe ushuru huo kuanzia Julai 2018 walipoanza kusambaza nguzo. 

Asilimia 90 ya nguzo za Umeme zinatoka Iringa, Tanzania ina viwanda tisa vya kutengeneza nguzo na kati ya viwanda hivyo vinane vipo Iringa na kimoja kipo Tanga.

Kampuni ilizuiwa kutoa nguzo ndani ya Mkoa wa Iringa tangu Novemba 2018 hadi Januari 2019 huku ikitakiwa kulipa ushuru wa asilimia tano ya gharama ya kila nguzo ambapo ilikaa ikitaka iendelee kulipa sh. 5,000 kwa kila nguzo kama walivyokubaliana na TANESCO jambo ambalo ni kinyume cha sheria.